Жалпы оқыту қоры

Жалпыға міндетті оқу қорынан балаларға әлеуметтік көмек көрсету үшін анықтамалар жұмыспен қамту орталықтарында беріледі

Ағымдағы жылдың қараша айының ортасынан бастап халықты жұмыспен қамту орталықтары (бұдан әрі-ХЖҚО) өтініш берушінің атаулы әлеуметтік көмек алушы болып табылмайтыны, бірақ табысы ең төменгі күнкөріс деңгейінен төмен екендігі туралы анықтама ұсынады.

Бұл құжат жалпыға міндетті оқу қорынан оқушыларға әлеуметтік көмек көрсету үшін қажет.

Тиісті шешім ҚР Еңбек және халықты әлеуметтік қорғау министрлігі мен ҚР Білім және ғылым министрлігі өкілдерінің қатысуымен өткен кеңесте айтылды.

Бұрын жоғарыда аталған көмекті көрсету үшін білім беру саласының әлеуметтік қызметкерлері өтініш берушілердің табыстары туралы мәліметтерді жинап, жан басына шаққандағы орташа табысты қолмен есептеген. Функцияны ҚР ЕХӘҚМ жетекшілігімен беру азаматтардың мемлекеттік органдарға жүгінуін азайтуға және білім беру саласындағы әлеуметтік қызметкерлердің жүктемесін азайтуға мүмкіндік береді.

ХЖҚО ҚР ЕХӘҚМ "Е-Халық" ақпараттық жүйесін пайдалана отырып, азаматтарға ең төменгі күнкөріс деңгейінен төмен немесе одан жоғары табыс мөлшері көрсетілген анықтамалар беретін болады. Осылайша, ҚР Президенті Қасым-Жомарт Тоқаевтың цифрландыру жөніндегі тапсырмасын орындау аясында қызметті уақтылы және жеңілдетілген түрде алу қамтамасыз етіледі.

2020 жылғы 25 қараша

Әлеуметтік педагог В. Б Смирнов

Г. К. Духовская